18.05.2026 | Այց պաղպաղակի գործարան
2026 թվականի մայիսի 18-ին Երևանի հենաշարժական համակարգի խախտումներ ունեցող երեխաների հ․ 17 հատուկ դպրոցի 2-րդ «Ա» դասարանի սովորողները այցելել են պաղպաղակի գործարան, որտեղ հնարավորություն են ունեցել ծանոթանալու պաղպաղակի պատրաստման գործընթացին և արտադրության տարբեր փուլերին։
Այցի ընթացքում սովորողները դիտարկել են արտադրական միջավայրը, ծանոթացել սննդի պատրաստման և հիգիենայի պահպանման պարզ կանոններին, ինչպես նաև ընդլայնել իրենց պատկերացումները տարբեր մասնագիտությունների և արտադրական աշխատանքի վերաբերյալ։ Այցի հետաքրքիր հատվածներից մեկն էլ այն էր, որ երեխաները հնարավորություն ունեցան մասնակցելու պաղպաղակի պատրաստման գործընթացի մի փոքր հատվածի՝ անմիջականորեն ներգրավվելով աշխատանքին։
Նմանատիպ այցելությունները սովորողների համար ստեղծում են հետաքրքիր և ուսուցողական միջավայր՝ նպաստելով դիտողականության, հետաքրքրասիրության և շրջապատող աշխարհի մասին պատկերացումների զարգացմանը։ Միջոցառումն անցել է հաճելի և դրական մթնոլորտում՝ ապահովելով նոր տպավորություններ և ուրախ փորձառություն սովորողների համար։
